पाल्पा । पाल्पामा आज बेलुकी टिपर दुर्घटना हुँदा तीन जनाको मृत्यु भएको छ।
एकजना गम्भीर घाइते भएका छन्। मृत्यु हुनेमा अर्घाखाँचीको शीतगङ्गा नगरपालिका-४ सिद्धारका २६ वर्षीय चिन्ताबहादुर सुनार रहनुभएको छ ।
अन्य दुईजनाको सनाखत नभएको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक होमप्रकाश चौधरीले जानकारी दिनुभयो ।
माथागढी गाउँपालिकाको झडेवाबाट रहबास चुनढुङ्गा खानीतर्फ जाँदै गरेको लु २ ख ४५२५ नम्बरको टिपर माथागढी गाउँपालिका-७ रहबास स्थित झडेवा रहबास भित्री कच्ची सडकखण्डमा आज बेलुकी ६ बजे दुर्घटनामा परेको हो।
टिपर सडकभन्दा ५० मिटर तल खसेको छ। घटनाबारे थप अनुसन्धान भइरहेको प्रहरीले जनाएको छ।
प्रकाशित मिति: शनिबार, चैत ७, २०८२
