काठमाडौँ । इन्टरनेट सेवा प्रदायक कम्पनी क्लासिक टेकले नयाँ ग्राहकहरूका लागि विशेष अफर सार्वजनिक गरेको छ।
कम्पनीले यसअघि उपलब्ध गराउँदै आएको १०० एमबीपीएस इन्टरनेट प्लानलाई अपग्रेड गर्दै अब नयाँ जडान गर्ने ग्राहकहरूलाई १ सय २५ एमबीपीएस इन्टरनेट उपलब्ध गराउने भएको हो।
नयाँ ग्राहकहरूले मासिक ५ सय ५३ मै १ सय २५ एमबीपीएस इन्टरनेट प्रयोग गर्न सक्ने क्लासिक टेकले जनाएको छ ।
ग्राहकले पुरानै मूल्यमा थप २५ एमबीपीएस स्पिड प्राप्त गर्नेछन्।
ग्राहकहरूले वाईफाई सिक्स राउटरको सुविधासमेत प्राप्त गर्ने कम्पनीले जनाएको छ। क्लासिक टेकले सन् २०२१ देखि आफ्ना ग्राहकहरूलाई वाईफाई सिक्स प्रविधिसहितको राउटर उपलब्ध गराउँदै आएको छ।
उच्च गतिको इन्टरनेटसँगै आधुनिक वाइफ़ाइ प्रविधिको सुविधा प्रदान गर्ने उद्देश्यले यो अफर ल्याइएको कम्पनीको भनाइ छ।
प्रकाशित मिति: सोमबार, भदौ २२, २०८३
