CIN Khabar

समाज

सर्लाहीको धनकौलमा गोली चल्यो छर्रा लागेर नेकपा र काँग्रेसका १५ जनाभन्दा बढी कार्यकर्ता घाइते

जनार्जन खत्री सोमबार, असार १५, २०७७, ०७:३६:००

गुगलबाट ।

सर्लाही । सर्लाहीको धनकौल गाउँपालिकास्थित अन्नपूर्ण चिनी उद्योग रहेको क्षेत्रमा गएराती नेपाल कम्युनिष्ट पार्टी नेकपा र नेपाली काँगे्रसका कार्यकर्ताबीचको झडपमा गोली चल्दा १५ जना भन्दा बढि घाईते भएका छन् ।

घाईतेहरुको जिल्ला अस्तपाल मलङ्गवामा उपचार भइरहेको र सबैको अवस्था सामान्य रहेको सर्लाहीका प्रहरी उपरीक्षक विश्वमणि पोखरेलले जानकारी दिनुभयो ।

झडप हुनुको वास्तविक कारण खुलिसकेको छैन । घटनामा संलग्नमध्ये एक जनालाई राती नै नियन्त्रणमा लिइएको र घटनाबारे थप अनुसन्धान भइरहेको प्रहरी उपरीक्षक पोखरेलले बताउनुभयो ।

उहाँका अनुसार घटनास्थलको अवस्था अहिले सामान्य छ । धनकौल क्षेत्रमा चिनी मिलको भुक्तानिको विषयमा नेकपा र काँगे्रसका कार्यकर्ताबीच पटक–पटक विवाद भइरहेको छ ।

पछिल्लो पटक एक साताअघि सर्लाहीकै रामगनर गाउँपालिकामा नेकपाका एक कार्यकर्ताको हत्या भएपछि सो घटनालाई राजनीतिकरण गरी नेकपा र काँग्रेस कार्यकर्ताले एक अर्काविरुद्ध आन्दोलन गरिरहेका छन् ।

प्रकाशित मिति: सोमबार, असार १५, २०७७, ०७:३६:००

जनार्जन खत्री

प्रतिक्रिया दिनुहोस्