काठमाडौँ । नेपालका इन्टरनेट सेवा प्रदायक कम्पनीहरूमध्ये क्लासिक टेकप्रति ग्राहकहरूको आकर्षण बढ्दै गएको हालै सार्वजनिक तथ्याङ्कले देखाएको छ।
नेपाल दूरसञ्चार प्राधिकरणले प्रकाशन गरेको तथ्याङ्क अनुसार नेपालमा इन्टरनेट सेवा दिँदै आएका अधिकांश सेवा प्रदायकमा भन्दा क्लासिक टेकमा ग्राहकको आकर्षण बढेको छ ।
गतवर्ष २०८२ फागुन र चैत महिनाको नयाँ इन्टरनेट जडान गर्ने ग्राहकको सङ्ख्यामा इन्टरनेट वर्गीकरण अनुसार क्लासिक टेक पहिलो देखिएको छ।
ISPs | Chaitra, 2082 | Falgun, 2082 | Difference |
World Link | 1,073,654 | 1,068,329 | 5,325 |
Classic Tech | 283,371 | 279,848 | 3,523 |
Vianet | 357,771 | 354,894 | 2,877 |
Nepal Telecom | 351,725 | 350,013 | 1,712 |
Dish Home | 374,319 | 379,299 | -4,980 |
Subisu | 262,849 | 260,724 | 2,125 |
CG Net | 88,738 | 87,539 | 1,199 |
तथ्याङ्कअनुसार २०८२ सालको फागुन महिनामा क्लासिक टेकका कुल ग्राहक २ लाख ७९ हजार ८ सय ४८ रहेकोमा चैत महिनामा बढेर २लाख ८३ हजार ३ सय ७१ पुगेको छ।
यस अवधिमा कम्पनीका ३ हजार ५ सय २३ नयाँ ग्राहक थपिएका छन् । २०८२ सालको फागुन र चैत महिनामा उल्लेखनीय रूपमा नयाँ ग्राहक थप्न सफल भएको कम्पानीले जनाएको छ ।
सहुलियत मूल्यमा गुणस्तरीय इन्टरनेट सेवा उपलब्ध गराउनु तथा अत्याधुनिक प्रविधियुक्त वाइफ़ाइ सिक्स राउटर सानादेखि ठूला सबै प्याकेजमा उपलब्ध गराएका कारण पनि ग्राहक बढेको क्लासिक टेकले जनाएको छ ।
"५० एमबीपीएसदेखि ३ सय एमबीपीएससम्मका ३ महिने तथा वार्षिक प्याकेजहरूमा समेत वाइफ़ाइ सिक्स राउटर प्रदान गराइएकाले ग्राहकहरूको रोजाइमा क्लासिक टेक पर्न सफल भएको छ ।" कम्पनीका तर्फबाट निकालिएको विज्ञप्तिमा उल्लेख छ ।
विशेषगरी वर्षायाममा मौसम परिवर्तन, फाइबर लाइन क्षति तथा विभिन्न प्राविधिक समस्याका बाबजुद पनि कम्पनीले सेवा विस्तार र ग्राहक सन्तुष्टिलाई प्राथमिकतामा राख्दै आएको कम्पनीले जनाएको छ।
घरायसी (Home) सेवासम्बन्धी सहयोगका लागि ग्राहकहरूले ९८०२९२२३०४ मा सम्पर्क गर्न सक्ने र अफिसियल तथा कर्पोरेट सपोर्टका लागि ९८०२६२२३०३ मा सम्पर्क गर्न पनि कम्पनीले भनेको छ ।
क्लासिक टेक मोबाइल एप मार्फत पनि ग्राहकहरूले आफ्नो समस्या वा सेवा सम्बन्धी टिकट दर्ता गर्न सक्ने व्यवस्था रहेको कम्पनीले जानकारी दिएको छ।
प्रकाशित मिति: बुधबार, वैशाख ३०, २०८३
