काठमाडौँ । कवि निराजन रेग्मीको पहिलो कविता संग्रह 'समय निस्सासिएको प्रहर' सार्वजनिक भएको छ ।
यात्रा पब्लिसिङ हाउसले प्रकाशन गरेको कविता संग्रहको भर्च्युवल विमोचन कवि, गीतकार तथा सम्पादक विप्लव प्रतीक र सञ्चारकर्मी लक्ष्मण कार्कीले गर्नुभएको हो ।
५२ वटा कविता समेटिएको कविता संग्रह कवि तथा गीतकार विप्लव प्रतीकले सम्पादन गर्नुभएको हो । कविता संग्रहमा विभिन्न समय र परिवेश समेटिएको सम्पादक प्रतीकले बताउनुभयो ।
३ सय ९९ रूपैयाँ मूल्य राखिएको कविता संग्रह नेपालका विभिन्न पुस्तक पसलका साथै अनलाइनमा किताव यात्रामार्फत अर्डर गर्न सकिने यात्रा पव्लिसिङ हाउसका अध्यक्ष ऋषि अधिकारीले जानकारी दिनुभयो ।
प्रकाशित मिति: बुधबार, असोज २२, २०८२
