काठमाडौँ । कडा खालको रोग लागेर स्वास्थ्य उपचारका लागि खर्च जुटाउन नसकेकाहरूलाई सरकारले आगामी साउन १ गतेबाट २ लाख रुपैयाँ दिने भएको छ ।
८ प्रकारका स्वास्थ्य समस्या भएका बिरामीलाई २ लाख रुपैयाँ उपलब्ध गराउने निर्णय भएको हो ।
पूर्व प्रतिबद्धता अनुसार स्वास्थ्य बीमा कार्यक्रममार्फत २ लाख रुपैयाँको उपचार प्राप्त गर्ने व्यवस्था गरिएको स्वास्थ्य तथा जनसङ्ख्या मन्त्री प्रदीप पौडेलले जानकारी दिनुभयो ।
उहाँका अनुसार अब क्यान्सर, मुटु, मृगौला, हेड इन्जुरी, स्पाइनल इन्जुरी, सिकलसेल एनिमिया, पार्किन्सोनिजम र अल्जाइमरका बिरामीले यो सुविधा पाउने छन् ।
स्वास्थ्य बीमालाई थप परिस्कृत गर्दै आम नागरिकको पहुँच बढाउन आफू लागि परेको पनि मन्त्री पौडेलको भनाइ छ ।
प्रकाशित मिति: बुधबार, असार २५, २०८२
