अस्मी स्याङतान, रेडियो सिन्धु, सिन्धुपाल्चोक
सिन्धुपाल्चोकको प्रादेशिक चौतारा अस्पताल गुणस्तर सुधारका लागि न्यूनतम मापदण्ड कार्यन्वयनमा सेकेन्डरी ‘ए’ लेभलको अस्पतालमध्ये ९३ अङ्क प्राप्त गरी बागमती प्रदेशको उकृष्ट हुन सफल भएको छ ।
बागमती प्रदेश सरकार, स्वास्थ्य मन्त्रालय, स्वास्थ्य निर्देशनालयले अस्पतालको अनुगमन पश्चात ९३ अङ्क दिएसँगै प्रथम हुन सफल भएको हो ।
न्यूनतम सेवा मापदण्ड कार्यन्वयनको सूचकाङ्क अनुसार १०० मा ९३ प्रतिशत ल्याएको हो ।
विभिन्न सूचकााङ्कका आधारमा अनुगमन गरिएको र १०० अङ्क ल्याउन ७ अङ्क नपुग्नुका कारणहरू बारेसमेत समीक्षा गरिएको थिया ।
वरिष्ठ मेडिकल सुपरिटेन्डेन्ट नविन दर्नालका अनुसार अस्पतालको निमित बैठक, दैनिक बिहानी छलफल, विद्युतीय हाजिर अनिवार्य बिरामीको लागि टोकनको व्यवस्था, सूचना पार्टीमा सूचना टाँस गर्ने गरेको, अस्पतालको आफ्नै वेबसाइट निर्माण गरि सञ्चालनमा ल्याएको, सुरक्षा गार्ड र सिसी टिभी क्यामेराको जडानलगायत अस्पतालको राम्रा पक्षहरु भएको निर्देशनालयले जनाएको छ ।
प्रकाशित मिति: मंगलबार, फागुन १३, २०८१
