जुम्ला । ‘सामुदायिक मानसिक स्वास्थ्यसम्बन्धी अन्तर्राष्ट्रिय सम्मेलन’ जुम्ला घोषणापत्र जारी गर्दै आज सकिँदैछ ।
कर्णाली प्रदेशमा मानसिक स्वास्थ्यको क्षेत्रमा भए, गरेका काम, असल अभ्यास र चुनौतीका बारेमा घोषणापत्रमा उल्लेख गरिने कणर्ाली स्वास्थ्य विज्ञान प्रतिष्ठानका उपकुलपति डा मङ्गल रावलले जानकारी दिनुभयो ।
अमेरिकाको हार्वर्ड विश्वविद्यालय म्यासाचुसेट्स जनरल हस्पिटल साइक्याट्रिक डिपार्टमेन्ट र कणर्ाली स्वास्थ्य विज्ञान प्रतिष्ठानको सहकार्यमा सम्मेलनको आयोजना गरिएको हो ।
स्वास्थ्य तथा जनसङ्ख्या मन्त्रालय र कर्ओाली प्रदेश स्वास्थ्य महाशाखाकोसमेत प्रतिनिधित्व सम्मेलनमा छ ।
मानसिक स्वास्थ्योपचारका लागि परम्परागत असल अभ्यास, कर्णाली प्रदेश सरकारले प्रदेशस्तरमै सबैभन्दा पहिले बनाएको मानसिक स्वास्थ्य रणनीति, यसको प्रभाव, जाजरकोठ भूकम्पमा मानसिक स्वास्थ्योपचारका लागि गरिएको समन्वयलगायतका बारेमा पनि छलफल भएको सम्मेलन सहआयोजकमध्येको एक सीएमसी नेपालका प्रादेशिक संयोजक हिमाल गैरेले जानकारी दिनुभयो ।
सम्मेलनमा कर्णाली प्रदेश सरकार, सामाजिक विकास मन्त्रालयका स्वास्थ्य सेवा महाशाखा प्रमुख वृषबहादुर शाही, मानसिक रोग विशेषज्ञ डा. सुशिल समदर्शी र सीएमसी नेपालका प्राविधीक निर्देशक महतले कर्णाली प्रदेशले जारी गरेको मानसिक स्वास्थ्य तथा मनोसामाजिक रणनीतिक कार्ययोजनाका मुख्य सिकाई, स्वास्थ्य प्रणालीका ६ आधारभुत स्तम्भका आधारमा कर्णालीमा कार्यन्वयन भएका सामुदायिक मानसिक स्वास्थ्य कार्यक्रमका उपलब्धी र असल अभ्यासमा कार्याशाला प्रस्तुतसहित ३ विविध कार्यशाला भएको थियो ।
सम्मेलनसम्बन्धी समाचार सुन्नुहोस्ः
प्रकाशित मिति: आइतबार, वैशाख २३, २०८१, ०७:१९
