काठमडाैँ । एसीसी प्रिमियर कप सेमिफाइनलमा नेपालले यूएईलाई १२० रनको लक्ष्य दिएको छ । ओमानमा टस हारेर पहिले ब्याटिङ गरेको नेपालले ९ विकेट गुमाएर ११९ रन बनाएको हो ।
नेपालका सन्दीप जोराले ५०, गुल्सन झाले २० र करण केसीले १७ रन बनाउनु बाहेक अरु कुनै ब्याटरले दोहोरो अङ्कमा स्कोर गर्न सकेनन् ।
आसिफ शेख ८, कप्तान रोहित पौडेल र दीपेन्द्रसिंह ऐरी समान ५, कुशल मल्ल ३, सोमपाल कामी २ र कुशल भुर्तेल शून्यमा आउट भए ।
प्रकाशित मिति: शुक्रबार, वैशाख ७, २०८१, १३:२३
