काठमाडौँ । थाइल्याण्डमा सम्पन्न १९ औँ विश्व मुवाथाइ च्याम्पियनसीपको उपाधि नेपालका गुणराज रुचालले जित्नुभएको छ ।
आज भएको फाइनलमा इटालीका ग्राबियल ओलारिउलाई पराजित गर्दै उहाँले उपाधि जित्नुभएको हो ।
यसअघि नेपालका कुनै पनि खेलाडीले विश्व च्याम्पियनसीपको उपाधि जितेका थिएनन् । रुचालले नेपालको तर्फबाट च्याम्पियनसीपमा भएको आठौँ सहभागितामा उपाधि जित्नुभएको हो ।
नेपालकै परिका बतासले एमेच्योरतर्फ उपाधि जित्नुभएको छ । नेपालबाट पाँच खेलाडी सहभागी थिए ।
जसमध्ये सुशील शाह ठकुरी ५१ केजी तौल समूहमा उपविजेता बन्नु भएको छ भने सञ्जय राई ५० केजी तौल समूहमा उपविजेता बन्नुभएको छ ।
५७ केजी तौल समूहमा गुमानसिँह मगर तेस्रो हुनुभयो । मार्च १२ देखि सुरु भएको प्रतियोगितामा ४० भन्दाबढी देशका खेलाडी सहभागी थिए ।
प्रकाशित मिति: मंगलबार, चैत ६, २०८०, १८:५०
