काठमाडाैँ ।आगामी महिना हुने विश्वकप क्रिकेट छनोटमा नेपालले पहिलो खेल आयोजक जिम्बावेसँग खेल्ने भएको छ ।
असार ३ गते सुरु हुने प्रतियोगिताको उद्घाटन खेलमा नेपालले जिम्बाबेसँग खेल्ने भएको हो । यो खेल टेस्ट मान्यताप्राप्त टोलीसँगको पहिलो एकदिवसीय खेल पनि हुनेछ । आज सार्वजनिक भएको खेल तालिका अनुसार नेपालले असार ५ गते अमेरिकासँग, असार ७ गते वेस्ट इन्डिजसँग र असार ९ गते नेदरल्यान्डसँग खेल्नेछ ।
प्रतियोगितामा सहभागी १० देशलाई दुई समूहमा विभाजन गरिएको छ । समुह बी मा श्रीलंका, आयरल्यान्ड, स्कटल्याण्ड, ओमान र युएई रहेका छन् । दुबै समूहका शीर्ष ३ टोलीले सुपर सिक्समा अर्को समूहका टोलीसँग खेल्नेछन् । सुपर सिक्सको शीर्ष दुईमा रहने टोली अक्टोबरमा भारतमा आयोजना हुने एकदिवसीय विश्वकपमा छनोट हुनेछन् ।
प्रकाशित मिति: मंगलबार, जेठ ९, २०८०, १९:३३
