CIN Khabar

खेलकुद

क्रिकेटर सन्दीप लामिछानेमा कोरोना सङ्क्रमण

सीआईएन शनिबार, मंसिर १३, २०७७, ०७:२९:००

काठमाडौँ । नेपाली राष्ट्रिय क्रिकेट टिमका लेग स्पिनर सन्दीप लामिछानेलाई कोरोना भाइरसको सङ्क्रमण देखिएको छ ।

सन्दीपले सामाजिक सञ्जालमा एक पोस्ट गर्दै आफूलाई कोरोना सङ्क्रमण भएको जानकारी दिनुभएको छ । सन्दीपले कोरोना सङ्क्रमण पुष्टि भएपछि आफू सेल्फ आइसोलेनमा बसेको उल्लेख गर्नुभएको छ ।

सन्दीपले आफूलाई बुधबारबाट कोरोनाको लक्षणसमेत देखिएको जानकारी दिँदै उहाँले आफ्नो स्वास्थ्य अवस्था सुधार हुँदै गएकोसमेत बताउनुभएको छ । सन्दीपले स्वस्थ भएर आफू चाँडै मैदान फर्कने पनि उल्लेख गर्नुभएको छ ।

यसअघि नेपाली टिमका कप्तान ज्ञानेन्द्र मल्लसहित दिपेन्द्र सिंह ऐरी र रोहित पौडेललाई पनि कोरोना सङ्क्रमण देखिएको थियो । उनीहरू तीनै जना कोरोना मुक्त भइसकेका छन् ।

प्रकाशित मिति: शनिबार, मंसिर १३, २०७७, ०७:२९:००

सीआईएन

सीआईएन नेपालका सामुदायिक रेडियोहरुको नेटवर्क हो ।

प्रतिक्रिया दिनुहोस्