जाजरकोट । जाजरकोट भुकम्प प्रभावितहरूको स्थायी आवास पुनर्निर्माणले अझै गति लिन सकेको छैन।
भुकम्प गएको करिब ४ वर्ष वित्न लाग्दा समेत अधिकांश भूकम्पपीडित अझै घरविहीन अवस्थामै छन्।
२०७९ कार्तिक १७ गते राति जाजरकोटको रामीडाँडा केन्द्रबिन्दु भएर गएको भूकम्पले जाजरकोट, रुकुम पश्चिम लगायतका जिल्लामा भूकम्पबाट कम्तीमा १५४ जनाको मृत्यु, ३६६ जना घाइते तथा करिब २ लाख ५० हजारभन्दा बढी नागरिक प्रत्यक्ष प्रभावित भएका थिए। राष्ट्रिय विपद जोखिम न्यूनीकरण तथा व्यवस्थापन प्राधिकरणका अनुसार केही स्थानीय तहमा पुनर्निर्माण कार्य सुरु भए पनि अधिकांस स्थानमा पुनः निमार्ण सुरु भएको छैन ।
प्राधिकरणको पछिल्लो तथ्याङ्कअनुसार जाजरकोट जिल्लामा मात्रै ८५ हजार भन्दा बढि निजी घर अझै पुनर्निर्माण हुन बाँकी छन्। विस्तृत क्षतिको आंकलन, प्राविधिक मूल्याङ्कन ढिलो हुनु, अनुदान वितरणमा ढिलाइ र दुर्गम भूगोलका कारण पुनर्निर्माण कार्य सुस्त भएको प्राधिकरणका प्रवक्ता शान्ती महतले सीआइएनसँग बताउनुभयो ।
यी घर पुनर्निर्माणका लागि करिब १०१ अर्ब रुपैयाँभन्दा बढी लागत आवश्यक पर्ने अनुमान गरिएको छ। विज्ञहरूले तीन तहका सरकारबीच प्रभावकारी समन्वयको अभाव, प्राविधिक जनशक्ति कमी तथा अनुदान वितरणमा ढिलाइ मुख्य समस्या रहेको बताएका छन्। समयमै पुनर्निर्माण हुन नसक्दा पीडितहरूमा निराशा बढ्दै गएको छ।
प्रकाशित मिति: मंगलबार, जेठ ५, २०८३
