मुगु । गएको शनिवार परेको ठुलो असिना पानीले मुगुमा किसानले लगाएका बालिनाली लाई ठुलो क्षति पुर्याउनुका साथै चट्याङ्गमा परेर २४ वटा भेडा मरेका छन् ।
मुगुम कार्मारोङ्ग गाउँपालिका वडा नं ९ पाँपु गाउँका भक्त बहादुर बढुवालका लेकमा चराउन लिएका भेडा चट्याङ्ग लागेर मरेका हुन ।
शनिवार परेको ठुलो असिना पानीले पाँपु गाउँका ९९ घर परिवारले खेतवारीमा लगाईएका तथा भित्र्याउने तर्खरमा रहेका जौ , गहुँ , उवा, आलु लगायत अन्य बालीहरुमा ठुलो क्षति पुर्याएको जिल्ला प्रहरी कार्यालय मुगुका प्रहरी नायव उपरिक्षक डिएसपि रविराज थपलियाले बताउनुभयो। उहाँका अनुसार भेडापालक भक्त बहादुरका चट्याङ्गमा परेर २४ भेडा मर्नुका साथै ६ वटा भेडा अझै बेपत्ता भएको जानकारी दिनु भयो ।
हिजाे आईतवार दिउसो २ बजेतिर ९ नंम्वरका वडा सदस्य अम्मर बढुवालले प्रहरी चौकि छायलमा जानकारी गराउन उक्त चौकिबाट खटिएको टोलिले क्षतिको विवरण संकलन गरेर जानकारी गराएको हाे । थप क्षतिको विवरण आउन बाँकि रहेको पनि उहाँले बताउनुभयाे ।
मुगुमा परेको असिना पानीले पाँपु गाउँ मात्र नभएर जिल्लाका केही स्थानहरुमा ठुलो क्षति पुगेको छ । असिना पानीले खेतवारीमा लगाएका बालीनाली लगायत स्याउमा ठुलो क्षति पुगेको किसानहरुले बताएका छन् ।
प्रकाशित मिति: सोमबार, वैशाख २८, २०८३
