मुगु । मुगुमा सम्पन्न छैटौं रारा ट्रेल रन प्रतियोगितामा जुम्लाका खेलाडीहरूले उत्कृष्ट प्रदर्शन गर्दै महिला र पुरुष दुवै विधाको उपाधि जितेका छन्।
रारा ट्रेल रन रारा ताल वरिपरि आयोजना गरिएको १६ किलोमिटरको दौडमा पुरुषतर्फ जुम्लाका दल बहादुर कुँवर पहिलो हुनुभएका छ। उहाँले निर्धारित दूरी १ घण्टा १५ मिनेटमा पूरा गर्नुभएकाे हाे। दोस्रो स्थान जुम्लाकै राज बुढाले हासिल गर्नुभयाे भने तेस्रो स्थान मुगुका अक्कल बढुवालले प्राप्त गर्नुभएकाे छ ।
महिलातर्फ पनि जुम्लाकै वर्चस्व रह्यो। सुनमाया बुढाले १ घण्टा १३ मिनेट ५० सेकेन्डमा दूरी पूरा गर्दै उपाधि जित्नु भयाे । दोस्रो स्थान राममाया बुढाले हासिल गर्नुभयाे भने त्रिभुवन आर्मी क्लबकी खेलाडी सुन्सरी रोकाया तेस्रो हुनुभयाे ।
यसैगरी, ५ किलोमिटर दौडमा पुरुषतर्फ देबिराज रोकाया पहिलो र सुशील बिक दोस्रो भए। महिलातर्फ मनिषा रावल पहिलो र पुष्पा रोकाया दोस्रो स्थानमा रहनुभयाे।
प्रतियोगिताका विजेताहरूले क्रमशः ५० हजार, ३० हजार र २० हजार रुपैयाँ नगदसहित प्रमाणपत्र र मेडल प्राप्त गरेका छन्। प्रतियोगितामा स्वदेशी तथा विदेशी गरी ५०० भन्दा बढी खेलाडीहरूको सहभागिता रहेको थियो।
कार्यक्रममा नेपाली सेनाद्धारा नृत्य, खुकुरी नृत्य, लोक तथा दोहोरी गित प्रतिष्ठान मुगुले मुगुको कला संस्कृति झल्किने गित तथा स्थानीय नृत्यहरु प्रर्दशन गरेको थियो भने कार्यक्रममको उद्धघाटन उत्तर पश्चिम् पृतनापति दिपकजंग शाह, प्रमुख जिल्ला अधिकारी खडानन्द खत्रीले सयुक्तरुपमा गर्नुभएकाे आयोजकले जनाएको छ। ने
पाली सेना राराले बिगत ५ वर्ष देखि निरन्तर रुपमा दौड प्रतियोगिता सञ्चालन गर्दे आईरहेको छ ।
रारा क्षेत्रमा विगत केही वर्षदेखि निरन्तर आयोजना हुँदै आएको यो प्रतियोगिताले पर्यटन प्रवर्द्धनसँगै खेलकुद गतिविधिलाई समेत टेवा पुर्याउँदै आएको छ।
प्रकाशित मिति: बुधबार, वैशाख ३०, २०८३
