रुकुम पूर्व । रोल्पाको धार्मिक तथा पर्यटकीयस्थल जलजला जाने क्रममा यही वैशाख १७ गते भएको जिप दुर्घटनामा ज्यान गुमाएका रुकुमपूर्व सिस्ने गाउँपालिका–५ टाकुराका एकै परिवारका ६ जनाको पाँच दिनपछि आज सामूहिक अन्त्येष्टि गरिएको छ ।
विदेशमा रहेका आफन्तहरू आइपुगेपछि सोनोभेरी नदी किनारमा मृतकहरूको सामूहिक अन्त्येष्टि गरिएको हो । अन्त्येष्टि गरिएका मृतकमा गोर्ख बहादुर बुढाथोकी, तिलकुमारी बुढाथोकी, युवा बुढाथोकी, दिव्यन बुढाथोकी र सुदीप बुढाथोकी रहेका छन् ।
एउटै घरबाट लगातार शवयात्रा निस्कँदा टाकुरा गाउँ शोकमग्न बनेको छ । बैशाख पूर्णिमाको अवसरमा जलजला दर्शनका लागि जाँदै गरेको लु १ ज ४१६७ नम्बरको जिप दुर्घटनामा परेर २० जनाको मृत्यु भएको थियो ।
दुर्घटनामा समीर कामी मात्रै गाडीबाट हाम फालेर ज्यान जोगाउन सफल हुनुभएको थियो ।
प्रकाशित मिति: सोमबार, वैशाख २१, २०८३
