काठमाडौं । नवनियुक्त दुई मन्त्रीले शपथ लिएका छन् ।
शितलनिवासमा आयोजित विशेष कार्यक्रममा डा. सुधा गौतमले स्वास्थ्य तथा जनसंख्या र बब्लु गुप्ताले युवा तथा खेलकुद मन्त्रीको रुपमा सपथ ग्रहण गर्नुभएको हो ।
प्रधानमन्त्री सुशीला कार्कीले आज बिहान मन्त्रीमण्डल विस्तारको लागि मन्त्रीको नाम राष्ट्रपतिसमक्ष सिफारिस गर्नुभएको थियो ।
मन्त्रीमण्डलमा चार जनाको नाम सिफारिस भए पनि विवादका कारण दुई जनाको मात्रै शपथ भएको हो ।
प्रधानमन्त्री कार्कीले गणपतिलाल श्रेष्ठलाई भूमि व्यवस्था, सहकारी तथा गरिबी निवारण र खगेन्द्र सुनारलाई श्रम, रोजगार तथा सामाजिक सुरक्षा मन्त्रीमा सिफारिस गरेको भएपनि श्रेष्ठ र सुनारको शपथ रोकिएको छ ।
यसअघि प्रधानमन्त्री कार्कीले ७ जना मन्त्री नियुक्त गरिसक्नुभएको छ ।
प्रकाशित मिति: आइतबार, कात्तिक ९, २०८२
