काठमाडौँ । नेपाली काँग्रेसका महामन्त्री गगन थापाले प्रधानमन्त्री केपी शर्मा ओलीले राजीनामा दिनुपर्ने माग गर्नुभएको छ ।
हिजोको जेन जीको अग्रसरतामा भएको आन्दोलनमा युवाहरू अनाहकमा मारिएको र यो दमनको जिम्मा लिएर प्रधानमन्त्रीले अबिलम्ब पद छोड्नुपर्ने उहाँको भनाइ छ ।
अब नेपाली काँग्रेस एक दिन पनि यो परिस्थितिको थप साक्षी र साझेदारका रुपमा रहन नहुनेमा जोड दिँदै महामन्त्री थापाले काँग्रेस सरकारबाट तत्काल फिर्ता हुनुपर्छ लेख्नुभएको छ। पार्टीको बैठकबाट यो निर्णय गराउन आफू लाग्ने उहाँको भनाइ छ ।
सामाजिक सञ्जालमा केही बेरअघि विचार सार्वजनिक गर्दै महामन्त्री थापाले यस्तो लेख्नुभएको हो । "रातभर सुत्न सकिन। म जस्तै देशभित्र र बाहिर रहेको सिङ्गो नेपाल सुत्न सकेको छैन। अवोध युवाहरू अनाहकमा मारिएको त्यो क्रुर दृष्य आँखा अगाडि घुमिरहेको छ। प्रधानमन्त्रीज्यूले यो दमनको जिम्मा लिएर अबिलम्ब पद छोड्नुपर्छ। "
प्रकाशित मिति: मंगलबार, भदौ २४, २०८२
