घुम्नै पर्ने नेपालको एक सय (१००) औँ गन्तव्यको सूचीमा रहेको तिम्बुङ पोखरीको प्रचारका लागि ट्रेल रन प्रतियोगिता सञ्चालन हुने भएको छ ।
ताप्लेजुङको सिदिङबा गाउँपालिका १ कालिखोलामा तिम्बुङ पोखरी अवस्थित छ । तिम्बुङ पोखरी संरक्षण तथा व्यवस्थापन समितिले पत्रकार सम्मेलनमार्फत यो जानकारी दिएको हो ।
समुद्र सतहदेखि करिब ४ हजार ३ सय ५० मिटरको उचाई रहेको पोखरीको प्रचार तथा पर्यटन प्रवद्र्धनका लागि दोश्रो तिम्बुङ पोखरी ट्रेल रन प्रतियोगिता सञ्चालन हुन लागेको हो ।
प्रतियोगिताको खुल्लातर्फ प्रथम हुनेलाई ५० हजार, दोश्रोलाई ३५ हजार, तेश्रोलाई २५ हजार र महिलातर्फको प्रथमलाई २५ हजार र स्थानीयबाट सहभागीता जनाएर प्रथम हुनेलाईसमेत १५ हजार रुपैयाँ पुरस्कार राशीको व्यवस्था गरेको आयोजकले जनाएको छ ।
प्रतियोगिता सिदिङबा गाउँपालिका र पर्यटन कार्यालय काँकडभिट्टाको आर्थिक सहयोगमा आयोजना हुन लागेको हो ।
प्रकाशित मिति: शनिबार, भदौ १४, २०८२
