ताप्लेजुङमा अवस्थित प्रसिद्ध धार्मिक तीर्थस्थल पाथीभरामा भदौ महिनामा मात्रै करिब १० लाख रुपैयाँ भेटी सङ्कलन भएको छ । चालु आर्थिक वर्षको दोश्रो महिना भदौमा ९ लाख ९७ हजार रुपैयाँ भेटी सङ्कलन भएको हो ।
पाथीभरा क्षेत्र विकास समितिले सार्वजनिक गरेको विवरणअनुसार यस अवधिमा ४ हजार ५ सय ३ जना दर्शनार्थी पुग्दा उक्त रकम बराबरको भेटी सङ्कलन भएको हो । तिर्थयात्रीले मन्दिरमा चढाएको भेटी रकम समितिका कर्मचारीले नेपाल प्रहरीको रोहबरमा सङ्कलन गरि कार्यालयमा ल्याउने प्रचनल रहेको छ ।
कर्मचारीले कार्यालय समयमा प्रहरी तथा सीसीटीभीको निगरानीमा भेटी गणना गर्ने गरि समितिले व्यवस्थापन गरेको छ । समितिले हरेक महिनाको मसान्तमा सार्वजनिक भेटीघाटी र तीर्थयात्रीको विवरण सार्वजनिक गर्दै आएको छ ।
प्रकाशित मिति: बुधबार, असोज १, २०८२
