काठमाडौँ । सुर्खेत र दैलेखको सीमानामा गाडी दुर्घटना हुँदा चार जनाको मृत्यु भएको छ।
शुक्रबार दिउँसो सवा दुई बजेतिर दैलेखबाट सुर्खेततर्फ आउँदै गरेको कर्णाली प्रदेश ०२००१ ख ९९८ नम्बरको फोर्स गाडी वीरेन्द्रनगर नगरपालिका १४ रातानाङ्ला नजिकै दुर्घटना हुँदा चार जनाको मृत्यु हुनुका साथै २४ जना भन्दा बढी घाइते भएको दैलेखको गुराँस गाउँपालिका वडा नम्बर का वडाअध्यक्ष दीपेन्द्र ओलीले सीआईएनलाई जानकारी दिनुभयो ।
मृतकको परिचय भने खुलिसकेको छैन । विपरित दिशाबाट आइरहेको माइक्रोसँग ठोक्किएर दुर्घटना भएको र माइक्रोमा रहेका सबैजना सकुशल रहेको पनि वडाअध्यक्ष ओलीले बताउनुभयो ।
घाइतेलाई उपचारका लागि कर्णाली प्रदेश अस्पताल ल्याइएको र घटनाको थप विवरण आउन बाँकी रहेको जिल्ला प्रहरी कार्यालय सुर्खेतले जनाएको छ ।
प्रकाशित मिति: शुक्रबार, कात्तिक २३, २०८१, १६:४६
