सुर्खेत । कर्णाली प्रदेशका मुख्यमन्त्री राजकुमार शर्माले पदबाट राजीनामा दिनुभएको छ । उहाँले राजीनामा पत्र प्रदेश प्रमुख तिलक परियारसमक्ष बुझाउनुभएको हो । प्रदेशसभालाई सम्बोधन गर्दै राजीनामा दिएको घोषणा गर्नुभएका शर्माले प्रदेश प्रमुखको कार्यालयमा पुगेर राजीनामा पत्र बुझाउनुभएको हो ।
मुख्यमन्त्री शर्माले प्रदेशसभाको आजको बैठकमा विश्वासको मत लिने कार्यसूची रहे पनि गठबन्धनको शीर्ष नेतृत्वमा कर्णाली प्रदेशको नेतृत्व एमालेलाई छाड्ने सहमति भएपछि शर्माले राजीनामा दिनुभएको हो । उहाँ आज विहानसम्म पनि विश्वासको मत लिने अडानमा हुनुहुन्थ्यो । तर माओवादी केन्द्रको निर्देशन पछि उहाँ राजीनामा दिन तयार हुनुभएको थियो ।
अब कर्णालीमा एमाले नेतृत्वको सरकार बन्ने बाटो खुला भएको छ । एमाले प्रदे्श सभा संसदीय दलका नेता यामलाल कँडेलको नेतृत्वमा सरकार बनाउने प्रकृया सुरु गरिने एमालेले जनाएको छ ।
प्रकाशित मिति: बुधबार, चैत २१, २०८०, १८:५१
