पाल्पामा जिप दुर्घटना मृतकको सङ्ख्या १० पुग्यो , १६ जना घाइते
पाल्पा । पाल्पामा मङ्गलवार भएको जिप दुर्घटनामा मृत्यु हुनेको सङ्ख्या १० पुगेको छ । दुर्घटनामा तिनाउँ गाउँपालिका ६ मस्यामकी यनकुमारी पन्त, रामबहादुर अस्लामी, कृष्णबहादुर अस्लामी र उर्मिला अस्लामी, बुटवल उपमहानगरपालिका १४ तामनगरका चन्द्र रणपाल र चुना रणपाल, तिनाउँ गाउँपालिका २ खुर्सानेकी गीता सुनार, देबदह नगरपालिका ५ रुपन्देहीकी दिलमाया जीसी, रिब्दीकोट १ ख्याहाकी दिलकुमारी सुनार र सोही स्थानकी विष्णुकला कामीको ज्यान गएको जिल्ला प्रहरी कार्यालय, पाल्पाले जनाएको छ ।
दुर्घटनामा घाइते १६ जनाको लुम्बिनी मेडिकल कलेज, प्रभास तानसेनमा उपचार भैरहेको छ । घाइते तानसेन ७ का तिन्तेआपका सबिता परियार, तिनाउँ गाउँपालिका ६ की कृष्णा पन्थ, उमा रास्कोटी, शान्ती राना, सौरभ पुन, अमृता गहतराज, कमला सुनार र तुलबहादुर नेपाली, तिनाउँ २ दुर्सानेकी गीता सुनारकी छोरी ३६ दिनकी छोरी स्वस्तिका सुनार, रुपन्देही देबदह ५ खैरेनीका विवेक जीसी, अस्मित जीसी , रिब्दीकोट १ ख्याहाकी रमा सुनार, साया सुनार, आलब सुनार, विद्या सुनार र रुपन्देही कन्चन गाउँपालिका हरैयाकी भूमि पुन रहेका छन् ।
तानसेन बुटवल सडक खण्डमा पर्ने सिद्धार्थराजमार्गको डुम्रेबाट तिनाउ गाउँपालिकाको भित्री कच्ची सडक चिदिसका लागी छुटेको लु १ ज २३७१ नम्बरको जिप दुर्घटनामा परेको हो । सडक बाट जिप ३ सय मिटर तल खसेको र दुर्घटनापछि चालक दानबहादुर चिदिलाई पक्राउ लिएर अनुसन्धान भइरहेको जिल्ला प्रहरी कार्यालय पाल्पाले जनाएको छ ।
क्षमता बढी यात्रु र सामान बोकेको जिपले उकालोमा तान्न नसकी पछि दुर्घटना भएको प्रत्यक्षदर्शीले जनाएका छन् ।
प्रकाशित मिति: बुधबार, फागुन २, २०८०, ०७:४६
