पाल्पा । आज बिहान करिब ४ बजे पाल्पा जिल्ला माथागढी गाउँ पालिका-३ भैसेकट्टामा पहिरोले घर र गोठ पुरिँदा १ जनाको मृत्यु भएको छ भने २ जना बेपत्ता भएका छन् ।
लगातारको पानीपछि पहिरो झर्दा १ घर र १ गोठ पुरिँदा वर्ष ७५ का लिलबहादुर घर्ती मगरको शव फेला पारेको र उहाँको छोरी वर्ष १७ की दिना घर्ती मगर र वर्ष १५ की झरना घर्ती बेपत्ता रहेको प्रहरीले जनाएको छ ।
पहिरोले ३ जना हराईरहेको भन्ने खबर प्राप्त हुनासाथ सशस्त्र प्रहरी बल नेपाल नं. ३५ गुल्म, नेपाल प्रहरी र जेसिविको सहायताले उद्धार कार्य भइरहेको सशस्त्र प्रहरीका सह प्रवक्ता डीएसपी शैलेन्द्र थापाले सीआईएनसँग बताउनुभयो ।
प्रकाशित मिति: आइतबार, असोज ११, २०८३
