नवलपरासी । नवलपरासीमा जिप दुर्घटना हुँदा ६ जनाको मृत्यु भएको छ । दुर्घटनामा एक जना घाइते भएका छन् ।
प्रमुख जिल्ला अधिकारी कल्पना श्रेष्ठकाअनुसार बुलिङटारबाट कावासोतीका लागि हिंडेको नु२ज ३२७० नम्बरको जिप देवचुली नगरपालिका–९ एसमोडमा दुर्घटना भएको हो । मृत्यु हुनेमा तीन जना महिला र तीन जना पुरुष रहेको र उनीहरुको पहिचान खुल्न बाँकी रहेको पनि उहाँले जानकारी दिनुभयो । जिपमा ७ जना रहेका थिए ।
प्रकाशित मिति: आइतबार, कात्तिक २६, २०८०, १२:५९
