काठमाडौँ । बाँकेका रिगल भनिने योगराज ढकाललाई राष्ट्रपतिले दिएको कैद मिनाहा सर्वोच्च अदालतले बदर गरेको छ।
कायममुकायम प्रधानन्यायाधीश ईश्वरप्रसाद खतिवडा, न्यायाधीशहरू सपना प्रधान मल्ल र कुमार चुडालको इजलासले आज यो निर्णय सुनाएको हो।
रिटमा सर्वोच्चको पूर्ण इजलासमा अस्ति र हिजो सुनुवाइ भएको थियो।
२०७२ असार २८ गते बाँकेको नेपालगन्ज–१६ स्थित मुख्य सडकमै रिगलसहित करिब १५ जनाको समूहले स्थानीय चेतन मानन्धरको हत्या गरेको पुष्टि भएको थियो।
यस प्रकरणमा बाँके जिल्ला अदालतका न्यायाधीश विष्णु सुवेदीको इजलासले २०७५ वैशाख ११ गते रिगललाई जन्मकैदको सजाय सुनाएको थियो।
गत असोज ३ गते संविधान दिवसको अवसरमा सरकारको सिफारिसमा राष्ट्रपति रामचन्द्र पौडेलले रिगलको बाँकी कैद मिनाहा गरिदिनुभएको थियो ।
चेतन मानन्धरकी पत्नी भारती शेर्पाले राष्ट्रपतिको कैद मिनाहमाफीविरुद्ध रिट हाल्नुभएको थियो ।
प्रकाशित मिति: बिहीबार, कात्तिक १६, २०८०, १५:४२
