CIN Khabar

विशेष

सामुदायिक रेडियोको छुट्टै कानुन बनाउनुपर्छः पृथ्वीसुब्बा गुरुङ

सीआईएन बिहिबार, चैत ९, २०७९, ०४:२८:००

पृथ्वीसुब्बा गुरुङ ।

काठमाडौँ । नेकपा एमालेका उपमहासचिव तथा प्रचार विभाग प्रमुख पृथ्वीसुब्बा गुरुङले सामुदायिक रेडियोको छुट्टै कानुन बनाउनका लागि सरकारले पहल थाल्नुपर्ने बताउनु भएको छ ।

सामुदायिक रेडियो राष्ट्रिय सम्मेलन तथा सामुदायिक रेडियो प्रसारक सङ्घ अकोराब नेपालको १७ औँ साधारण सभाको अवसरमा आज ललितपुरमा भएको कार्यक्रममा उहाँले यस्तो धारणा राख्नु भएको हो ।

सामुदायिक रेडियोले समुदायस्तरमा गरेको योगदान महत्वपूर्ण रहेको भन्दै उहाँले भन्नुभयो, "सामुदायिक रेडियो सञ्चालनको लागि कानून चाहिन्छ । त्यो भन्दा अघि सञ्चार नीति ल्याउनुपर्‍यो । सञ्चार नीतिमा टेकेर सामुदायिक रेडियोको लागि मात्रै सरकारले कानून ल्याउनुपर्छ । अनि मात्रै सामुदायिक रेडियोहरु व्यवस्थित हुन सक्छन् ।"

उपमहासचिव गुरुङले सामुदायिक रेडियोलाई कसरी संरक्षण गर्ने भन्ने बारेमा राज्यको विशेष भूमिका हुन आवश्यक रहेकोमा जोड दिनुभयो ।

सरकारले सामुदायिक रेडियोको संरक्षणका लागि विधेयक ल्याउँदा आफ्नो पार्टी सधैँ सकारात्मक भूमिका निर्वाहको लागि तयार हुने भन्दै उहाँले सामुदायिक रेडियोको सजिलोका लागि विधेयक आउँदा सासदहरु विभाजित हुननहुने धारणा राख्नुभयो ।

प्रकाशित मिति: बिहिबार, चैत ९, २०७९, ०४:२८:००

सीआईएन

सीआईएन नेपालका सामुदायिक रेडियोहरुको नेटवर्क हो ।

प्रतिक्रिया दिनुहोस्