बारा ।
विश्वव्यापी महामारीका रुपमा फैलिँदै गएको कोरोना भाइरस ‘कोभिड–१९’ बाट संभावित विपद् व्यवस्थापनका लागि बाराको निजगढ नगरपालिकाले स्थापना गरेको कोषको रकम बढाएर एक करोड दुई लाख रुपैयाँ पु¥याउने भएको छ ।
कोभिड–१९ बाट नगरमा उत्पन्न हुनसक्ने संभावित प्रकोपको प्रभावकारी व्यवस्थापनका लागि नगरले यसअघि स्थापना गरेको ५० लाख रुपैयाँको कोषलाई बढाएर एक करोड दुई लाख रुपैयाँ पु¥याउने निर्णय नगर कार्यपालिका बैठकले गरेको नगर प्रमुख सुरेश कुमार खनालले जानकारी दिनुभयो ।
जनप्रतिनिधिहरुले बैठक बापत् पाउने भत्ता र विभिन्न बिषयगत कार्यक्रमको बजेटलाई रकमान्तर गरी कोषको रकम बढाउने निर्णय भएको उहाँले जानकारी दिनुभयो ।
लकडाउनका कारण अति प्रभावित दैनिक ज्यालदारीमा गुजारा चलाउँदै आएका बिपन्न मजदुरहरुका लागि कोषमार्फत् आवश्यक राहतको प्याकेज ल्याउने नगरपालिकाले जनाएको छ ।
नगर प्रमुख खनालका अनुसार कोभिड–१९ नियन्त्रण तथा रोकथामका लागि आवश्यक अन्य खर्च समेत सोही कोषबाट गरिनेछ ।
प्रकाशित मिति: सोमबार, चैत २४, २०७६, १०:११
