मीन बहादुर खड्का, रेडियो पौरखी, बाजुरा ।
बाजुराको बुढीगङ्गा नगरपालिका वडा नम्बर १० ले विवाह गर्दा अनिवार्य वडा कार्यालयको स्वीकृति लिनुपर्ने व्यवस्था गरेको छ ।
वडामा हुने बालविवाहका घटनालाई न्यूनीकरण गर्ने उद्देश्यका साथ बुढीगङ्गा–१० भित्र विवाह गर्दा वडा कार्यालयमा जन्म दर्ता पेश गरी स्विकृती लिनुपर्ने निर्णय गरेको हो ।
यसका साथै विवाहको निमन्त्रणा कार्डमा समेत जन्म मिति खुलाउनुपर्ने वडा अध्यक्ष दलबहादुर साउदले जानकारी दिनुभयो ।
वडा कार्यालयको स्वीकृति नलिइ विवाह गरेको पाइए वडा कार्यालयबाट प्राप्त हुने जुनसुकै सेवा, सुविधाबाट बन्चित गराइने वडा अध्यक्ष साउदको भनाइ छ ।
प्रकाशित मिति: शनिबार, फागुन १३, २०७९
