सिन्धुली । सिन्धुलीको फिक्कल गाउँपाालिका–४ को कुहिभीरमा बस दुर्घटना हुँदा ५ जनाको मृत्यु भएको छ । २८ जना घाइते भएका छन् ।
ओखलढुंगाबाट काठमाडौं जाँदै गरेको बा २ ख ६५९६ नम्बरको बस मध्यपहाडी राजमार्ग अन्तर्गत कुहिभीरमा दुर्घटना हुँदा ५ जनाको घटनास्थलमै मृत्यु भएको र मृतकमा दुई पुरुष, दुई महिला र एक बालक रहेकाे जिल्ला प्रहरी कार्यालय सिन्धुलीले जनाएको छ । उनीहरूको सनाखत हुन बाँकी छ ।
घाइतेलाई उपचारका लागि खुर्कोट अस्पतालमा पठाइएको र गम्भीर घाइते भएका पाँच जनालाई थप उपचारका लागि काठमाडौं पठाउने तयारी भइरहेको पनि प्रहरीले जनाएको छ ।
दुर्घटनाको थप विवरण आउन बाँकी छ ।
प्रकाशित मिति: आइतबार, फागुन २८, २०७९
