CIN Khabar

साझा खबर

दोलखाका १० वटा मतदान केन्द्रमा मंसिर १५ गते पुन: निर्वाचन हुने

सीआईएन सोमबार, मंसिर १२, २०७९, ११:२३:००

काठमाडाैँ । मतदान रद्द भएका दोलखाका १० वटा मतदान केन्द्रमा मंसिर १५ गते (विहीबार) पुनः निर्वाचन हुने भएको छ। जिल्ला निर्वाचन व्यवस्थापन समितिको बैठकले ती केन्द्रमा मंसिर १५ गते निर्वाचन गराउने निर्णय भएको मुख्य निर्वाचन अधिकृत ढिल्लीरत्न श्रेष्ठले जानकारी दिनुभयो । निर्वाचनको तयारी आजैबाट सुरु गरिएको पनि उहाँले बताउनुभयो ।

उहाँका अनुसार बैत्यश्वरको वडा नं. ६ (क,ख र ग), २) वैत्यश्वरको ३ कालीढुङ्गा (क,ख र ग)ऽ बैत्यश्वर २ को जनज्योति (क र ख) तथा तामाकोसीको हेल्थपोस्ट (क र ख) बुथमा पुन: मतदान हुने छ ।

निर्वाचन आयोगले दोलखाका १० वटा केन्द्रमा धाँदली भएको निष्कर्ष निकाल्दै मंसिर १५ गतेभित्र पुनः मतदान गराउने निर्णय गर्दै मुख्य निर्वाचन अधिकृतकाे कार्यालयलाई निर्देशन दिएको थियो ।

नेकपा एमालेले निर्वाचनमा सत्तारुढ दलले बुथ कब्जा गरेको उजुरी गरेपछि स्थलगत अध्ययनमा गएको टोलीले दोलखाका वैतेश्वर गाउँपालिका र तामाकोशी गाउँपालिकाका १० मतदान केन्द्रमा बुथ कब्जा भएको निष्कर्ष निकालेको थियो । त्यसकै अाधारमा ती केन्द्रमा फेरि मतदान गर्न आयोगले निर्देशन दिएको थियो ।

प्रकाशित मिति: सोमबार, मंसिर १२, २०७९, ११:२३:००

सीआईएन

सीआईएन नेपालका सामुदायिक रेडियोहरुको नेटवर्क हो ।

प्रतिक्रिया दिनुहोस्