काठमाडौँ । बिहान चीनतर्फबाट एक्कासी आएको बाढीले रसुवामा नेपाल–चीन जोड्ने मितेरी पुल बगाएको छ ।
रसुवाका प्रमुख जिल्ला अधिकारी अर्जुन पौडेलका अनुसार जोखिमयुक्त क्षेत्रमा रहेका ९ जनालाई उद्धार गरिएको छ भने टिमुरे क्षेत्रमा रहेका केही व्यक्तिको बारेमा विस्तृत जानकारी लिनेक्रम चलिरहेको छ ।
बाढीका कारण भन्सार क्षेत्रमा ठूलो क्षति पुगेको भए पनि विस्तृत विवरण खुल्न बाँकी छ ।
आज बिहान साढे ३ बजे बाढी आएको बारेमा जानकारी पाएको प्रमुख जिल्ला अधिकारी पौडेलले सीआईएनसँग बताउनुभयो ।
बाढीका कारण नुवाकोटको त्रिशुलीमा २ जना व्यक्ति फसेको र उद्धारको तयारी भइरहेको प्रहरीले जनाएको छ ।
प्रकाशित मिति: मंगलबार, असार २४, २०८२
