CIN Khabar

साझा खबर

मुगुको गमगढीमा आगलागी हुँदा २१ घर नष्ट कराडौँ मूल्य बराबरको धनमाल जलेर नष्ट भएको अनुमान, आगो निभाउन भत्काइयो सग्लो घर पनि

खड्क सुनार मंगलबार, कात्तिक ३०, २०७८, ११:३४:००

तस्विरः खड्क सुनार ।

मुगु । मुगुको सदरमुकाम गमगढी बजारमा आगलागी हुँदा २० घर जलेर नष्ट भएका छन् । मुख्य बजार क्षेत्रमा गएराति साढे १२ बजे लामा समुदायको बस्तीमा आगलागी भएको हो ।

टिनले लामाको घरमा बालिएको दियोबाट आगो सल्किँदा २० घर पूणर् रुपले नष्ट भएको जिल्ला प्रशासन कार्यालय मुगुले जनाएको छ ।

मुगुका प्रमुख जिल्ला अधिकारी रोमबहादुर महतले आगलागी नियन्त्रणका लागि थप १ घर भत्काइएको सीआईएनलाई जानकारी दिनुभयो ।

एकआपसमा घरहरू जोडिएको र थप घरमा आगो नसल्कियोस् भनेर एक घर भत्काउनुपरेको उहाँको भनाइ छ ।

उहँँका अनुसार राति नै स्थानीयबासीले आगो निभाउने प्रयास गरे पनि सम्भव नभएपछि बिहान साढे ४ बजे मात्रै आगलागी नियन्त्रणमा आएको हो ।

साँघुरो बाटो, काठबाट निर्मित कच्ची घरहरू एकअर्कासँग जोडिएको र दमकल पनि नभएका कारणले क्षति कम गर्न नसकिएको प्रमुख जिल्ला अधिकारी महतले बताउनुभयो ।

मानवीय क्षति नभए पनि कराडौँ मूल्य बराबरको धनमाल जलेर नष्ट भएको अनुमान गरिएको छ ।

प्रकाशित मिति: मंगलबार, कात्तिक ३०, २०७८, ११:३४:००

खड्क सुनार

खड्क सुनार रेडियो मुगुमा समाचार प्रमुख हुनुहुन्छ ।

प्रतिक्रिया दिनुहोस्