नवलपुर । पूर्वी नवलपरासी नवलपुरको मध्यविन्दु नगरपालिका ६ बरुवामा बाढीले पोखरीमा रहेका ५० हजार माछा बगाइदिएको छ ।
स्थानीय तिलकराम अर्चेलले एकहप्ताअघि १३ कठ्ठा क्षेत्रफलको २ ओटा पोखरीमा राखेको ५० हजार माछाका भुरा बाढीले बगाइदिएको हो ।
एक पाउदेखि २ किलोग्रामसम्म भएका करिब ४ सय क्विन्टल ठूला माछा बगाएको किसान अर्चेलले बताउनुभयो ।
गोठभित्र बाढी पसेपछि २ ओटा खसी समेत मरेको उहाँले बताउनुभयो । प्रभु बैँक, साना किसान बचत तथा ऋण सहकारी संस्था र विकु वचत तथा ऋण सहकारी संस्थामार्फ़त ६० लाख रुपैयाँ ऋण लिएर अर्चेलले मत्स्य तथा पशुपालन गर्दै आउनुभएको थियो ।
भदौ १० गते राति आएको वर्षाका कारण घरभित्र नै बाढी पसेपछि छिमेकिले डुङ्गाले तारेर मान्छे बचाएकाले मानवीय क्षति भने नभएको तिलकराम अर्चेलले जानकारी दिनुभयो ।
प्रकाशित मिति: मंगलबार, भदौ १५, २०७८, ११:२५
