CIN Khabar

राजनीति

एमाले सचिवालय बैठक बस्दै,परराष्ट्रमन्त्रीको जेनेभा भ्रमण रोकिएको बारे छलफल हुने

सीआईएन सोमबार, फागुन १५, २०७९, ०९:०७:००

काठमाडौँ । परराष्ट्रमन्त्री विमला राई पौड्याललाई प्रधानमन्त्री प्रचण्डले जेनेभा जानबाट रोकेपछिको अवस्थाका बारेमा छलफल गर्न एमालेले सचिवालय बैठक बोलाएको छ ।

बिहान ११ बजे पार्टी केन्द्रीय कार्यालय च्यासल ललितपुरमा बस्ने बैठकमा परराष्ट्रमन्त्रीलाई जेनेभा जानबाट रोक लगाएपछि कसरी अघि बढ्ने भन्ने बारेमा छलफल हुने एक नेताले बताए ।

मन्त्री पौड्याल हिजो साँझ जेनेभा जाने कार्यक्रम भए पनि अन्तिम समयमा प्रधानमन्त्री प्रचण्डले मुख्य सचिवमार्फत नजान भन्नु भएको थियो ।

पूर्व कानुन मन्त्री तथा नेकपा एकीकृत समाजवादी पार्टीका नेता गोविन्द बन्दीले जेनेभामा नेपाल सरकारको प्रतिनिधित्व गर्ने समाचार आइरहेका छन् ।

एमाले केन्द्रीय कार्यालय सचिव डा भीष्म अधिकारीले विकसित राजनीतिक घटनाक्रम र राष्ट्रपति निर्वाचनलगायत विषयमा बैठकमा छलफल हुने बताउनुभयो ।

प्रकाशित मिति: सोमबार, फागुन १५, २०७९, ०९:०७:००

सीआईएन

सीआईएन नेपालका सामुदायिक रेडियोहरुको नेटवर्क हो ।

प्रतिक्रिया दिनुहोस्