काठमाडौँ । रसुवा भोटेकोशी बाढीका कारण त्रिशुली ३ ए जलविद्युत आयोजनाको सुरुङ भित्र एक जनाको शव भेटिएको छ ।
यही सुरुङबाट आज बिहान २ जनाको सकुशल उद्धार गरिएको थियो ।
उक्त सुरुङमा उद्धारका लागि सक्रिय सशस्त्र प्रहरी हवलदार पवन तामाङले करिब १ सय ६० मिटर भित्र पुग्दा एउटा शव भेटिएको जानकारी दिनुभयो ।
सशस्त्र प्रहरीका डीएसपी अमृत थापाको कमान्डमा १८ जना सीएएसआर अर्थात कोल्याप्स स्ट्रक्चर सर्च एण्ड रेस्क्यु टीम त्यहाँ १० दिनदेखि सक्रिय रहेको सशस्त्र प्रहरी बलका सहप्रवक्ता डीएसपी सैलेन्द्र थापाले जानकारी दिनुभयो ।
प्रकाशित मिति: शुक्रबार, भदौ १९, २०८३
