काठमाडौँ । बिहान आएको रसुवा बाढीका कारण प्रभावितहरूको उद्धारका क्रममा नेपाली सेनाको हेलिकोप्टरमार्फत १२ जनालाई सुरक्षित स्थानमा सारिएको छ ।
रसुवाको स्याप्रुबेसीबाट-६, मैलुङबाट-२ र धुन्चेबाट-४ गरी हालसम्म जम्मा १२ जना जनालाई उद्धार गरिएको नेपाली सैनिक जन सम्पर्क तथा सूचना निर्देशनालयले जनाएको छ ।
उक्त इलाकामा नेपाली सेनाको ४ र निजी कम्पनीका ८ गरी १२ वटा हेलिकोप्टर उद्धार कार्यमा परिचालन गरिएको नेपाली सेनाले जनाएको छ ।
नेपाली सेनाको मेडिकल टिमद्वारा त्रिशूलीस्थित नं.१ सैन्य तालिम केन्द्रमा आकस्मिक उपचार सेवा प्रदान गरिरहेको पनि नेपाली सेनाले जनाएको छ।
प्रकाशित मिति: बुधबार, भदौ १०, २०८३
