काठमाडौँ । आज दिउँसो र राति देशका विभिन्न स्थानमा ठूलो पानी पर्ने सम्भावना रहेकाले सावधानी अपनाउन जल तथा मौसम विज्ञान विभाग, मौसम पूर्वानुमान महाशाखाले अनुरोध गरेको छ ।
महाशाखाका अनुसार आज दिउँसो देशका हिमाली भू-भागका केही स्थानमा मेघगर्जन / चट्याङसहित मध्यम खालको पानी र हिउँ पर्ने सम्भावना छ ।
देशका पहाडी भू-भागका धेरै स्थानमा तथा तराई भू-भागका केही स्थानमा मेघगर्जन / चट्याङसहित मध्यम खालको पानी पर्ने सम्भावना रहेको छ ।
पहाडी भू-भागका एक-दुई स्थानमा भने भारी वर्षाको सम्भावना छ ।
कोशी प्रदेशको तराई र मधेश प्रदेशका केही स्थानमा हावाहुरीको पनि सम्भावना रहेको छ। देशका हिमाली र पहाडी भू-भागका केही स्थानमा मेघगर्जन / चट्याङसहित मध्यम खालको पानी र हिउँ पर्ने सम्भावना छ ।
कोशी, बागमती र गण्डकी प्रदेशका तराई भू-भागका केही स्थान, मधेश तथा लुम्बिनी र सुदुरपश्चिम प्रदेशका तराई थोरै स्थानमा मेघगर्जन/चट्याङसहित मध्यमसम्मको पानी पर्ने सम्भावना छ।
कोशी र गण्डकी प्रदेशको पहाडी भू-भागका एक-दुई स्थानमा भारी वर्षाको सम्भावना रहेको महाशाखाले जनाएको छ।
प्रकाशित मिति: मंगलबार, भदौ २, २०८३
