कास्की । कास्कीको मादी गाउँपालिका–५ स्थित काउरेमा मोटरसाईकल दुर्घटनामा परी घाईते भएका दुई जनाको सशस्त्र प्रहरीले उद्धार गरेको छ ।
सोही ठाउँको थाकदेखि काउँखोलातर्फ जाँदै गरेको ग ११ प ८९४० नम्बरको मोटरसाईकल गति अनिन्त्रित भई सडकबाट करीव ३० मिटर तल खसेको थियो ।
दुर्घटनाबारे अस्थायी प्रहरी चौकी छाचोकले जानकारी गराए पश्चात सशस्त्र प्रहरी बल नेपाल अस्थायी मनसुन प्रतिकार्य सुरक्षा वेश छाचोकबाट खटिएको सशस्त्र प्रहरी र नेपाल प्रहरीको संयुक्त टोलीले उनीहरुको उद्वार गरेको हो ।
दुर्घटनामा परी सोही गाउँपालिका–७ घर भई हाल रुपा गाउँपालिका–१ बस्ने ३४ वर्षिय आकाश मल्ल र सोही ठाउँको भुमरे बस्ने अन्दाजी ५७ वर्षिय टेक बहादुर मल्ल घाईते हुनुभएको छ ।
घाईतेमध्ये टेक बहादुर मल्लको अवस्था भने गम्भिर रहेको सशस्त्र प्रहरीका सहायक प्रवक्ता डीएसपी शैलेन्द्र थापाले जानकारी दिनुभयो ।
प्रकाशित मिति: मंगलबार, असार ३०, २०८३
