काठमाडौं । सरकारले कृषि तथा पशुपालन क्षेत्रमा ठूलो लगानी गर्ने किसानलाई प्रोत्साहन दिने घोषणा गरेको छ ।
आगामी आर्थिक वर्ष २०८३/८४ को बजेट प्रस्तुत गर्दै अर्थमन्त्री डा. स्वर्णिम वाग्लेले न्यूनतम २ करोड रुपैयाँ लगानी गरेर कृषि वा पशुपालन व्यवसाय सञ्चालन गर्ने कृषकलाई विशेष सहुलियत दिइने जानकारी दिनुभयो ।
सरकारले यस्ता व्यवसायिक कृषकलाई वार्षिक १० प्रतिशतका दरले प्रोत्साहन उपलब्ध गराउने जनाएको छ । चार वर्षसम्म निरन्तर प्रोत्साहन दिँदा कुल ४० प्रतिशतसम्म सहयोग पुग्ने अपेक्षा गरिएको छ ।
यस्तै, कृषि क्षेत्रमा दिइने सहुलियतपूर्ण कर्जा वास्तविक किसानसम्म पुर्याउने लक्ष्य सरकारले लिएको छ । कृषि उत्पादन वृद्धि र व्यवसायिक खेती विस्तारमा जोड दिँदै पशु चिकित्सकलाई पनि प्रत्यक्ष रूपमा कृषकसँग जोड्ने योजना सार्वजनिक गरिएको छ ।
प्रकाशित मिति: शुक्रबार, जेठ १५, २०८३
