काठमाडौँ । नेकपा माओवादी केन्द्रको तराई–मधेस जागरण अभियान आजदेखि सुरु भएको छ ।
झापाबाट बिहान पार्टी अध्यक्ष प्रचण्डलगायतका नेताको सहभागितामा एक कार्यक्रम गरी अभियान सुरु भएको घोषणा गरिएको हो ।
माओवादी केन्द्रका प्रवक्ता अग्निप्रसाद सापकोटाका अनुसार यो अभियान चैत ७ गते कञ्चनपुरमा पुगेर समापन गरिनेछ ।
गएको पुस २३ गते काठमाडौँमा सम्पन्न केन्द्रीय समिति बैठकले हुलाकी मार्ग केन्द्रित अभियान सञ्चालन गर्ने निर्णय गरेको थियो ।
हुलाकी मार्ग केन्द्रित तराई–मधेस जागरण अभियान, मध्यपहाडी लोकमार्ग, हिमाल–पहाड केन्द्रित अभियानले पार्टीलाई थप बलियो बनाउने प्रवक्ता सापकोटाको भनाइ छ ।
प्रकाशित मिति: सोमबार, फागुन १२, २०८१
