अश्मी स्याङतान, रेडियो सिन्धु, सिन्धुपाल्चोक
यार्सागुम्बा र ढ्याङ्ग्रो च्याउसहित प्रहरीले २ जनालाई पक्राउ गरेको छ ।
सिन्धुपाल्चोकको बाह्रबिसे नगरपालिका ३ खुर्सानीबारीस्थित प्रहरी चेक पोष्टमा सवारी साधन जाँच गर्ने क्रममा उनीहरू पक्राउ परेका हुन् ।
प्रहरीका अनुसार तातोपानीबाट बाह्रविसेतर्फ आउँदै गरेको बा.प्र ०२-०३७ प २८७५ न.को मोटरसाइकलमा यार्सागुम्बा र ढ्याङ्ग्रो च्याउ फेला परेको थियो ।
मोटरसाइकल चालक भोटेकोशी गाउँपालिका वडा नम्बर ५ का २६ वर्षका वाङ्गेल तामाङ र मोटरसाइकल पछाडि सवार २४ वर्षका पासाङ नुर्पु तामाङले बोकेको झोला भित्र यार्सागुम्बा र ढ्याङ्ग्रो च्याउ फेला परेको प्रहरी नायव उपरीक्षक निरन्जन भट्टराईले जानकारी दिनुभयो ।
पक्राउ परेकाहरूलाई आवश्यक कारबाहीको लागि डिभिजन वन कार्यालय चौतारा पठाईएको जिल्ला प्रहरी कार्यलय सिन्धुपाल्चोकले जनाएको छ ।
प्रकाशित मिति: शुक्रबार, वैशाख १४, २०८१, ११:२९
