काठमाडौँ । उदयपुरको बेलका नगरपालिका ७ मा जिप दुर्घटना हुँदा ६ जनाको मृत्यु भएको छ ।
भोजपुरको घोडेटारबाट धरानका लागि छुटेको जिप सडकबाट भिरमा खसेर दुर्घटना हुँदा ६ जनाको शव भेटिएको नेपाल प्रहरीका कोशी प्रदेश प्रमुख डीआईजी चन्द्रकुबेर खापुङले सीआईएनलाई जानकारी दिनुभयो ।
७ जना घाइतेकाे उद्दार गरी उपचारका लागि धरान पठाइएको छ । मृतकको नाम खुल्न बाँकी रहेको र थप अनुसन्धान भइरहेको डीआईजी खापुङले बताउनुभयो ।
प्रकाशित मिति: बिहीबार, चैत १, २०८०, १२:४५
