चितवन । चितवनको रत्ननगर नगरपालिकाले आर्थिक अवस्था कमजोर भएका नगरभित्रका पशुपालक किसानलाई अनुदानमा गाई वितरण गरेको छ ।
पशुपालनमार्फत गरिबी न्यूनिकरण गर्ने उद्देश्यले ५० प्रतिशत अनुदानमा गाई वितरण गरिएको नगर प्रमुख नारायण वनले जानकारी दिनुभयो ।
नगरपालिकाले विपन्न किसानहरूको पहिचान गरी दुहुना गाई वितरण गरेको हो ।
नगरपालिकाको एक करोड रुपैयाँ र किसानको एक करोड गरी दुई करोडको लगानीमा २ सय दुधालु गाई वितरण गर्ने योजना रहेको प्रमुख प्रशासकीय अधिकृत शिशिर पौडेलले बताउनुभयो ।
किसानलाई गाई वितरणको लागि नगरपालिकाको नवौँ नगर सभाले एक करोड रुपैयाँ विनियोजन गरेको थियो ।
प्रकाशित मिति: शुक्रबार, माघ १४, २०७८, १०:५४
