CIN Khabar

समाज

काभ्रेको पनौतीमा १२ वर्षे मकर मेला सुरु

शोभा हुमागाईँ शनिबार, माघ १, २०७८, ०६:०१:००

काभ्रे । ‘पुर्खाको पौरख पनौतीको गौरव, १२ वर्षे मकर मेला हामी सबैको वैभव’ भन्ने नाराका साथ आजदेखि काभ्रेको पनौतीमा १२ वर्षे मकर मेला सुरु भएको छ ।

पनौतीको त्रिवेणीघाट १२ वर्षमा लाग्ने मकर मेला माघ १ गतेदेखि एक महिनासम्म सञ्चालन हुन्छ ।

कोरोना महामारीका कारण यो वर्षको मकर मेला स्नानमा मात्रै सीमित भएको छ ।

जिल्ला प्रशासन कार्यालय काभ्रेले बढ्दो कोरोना सङ्क्रमणनलाई ध्यानमा राख्दै २५ जनाभन्दा बढी भीडभाड नगर्न आग्रह गरेपछि स्नानका लागि एक पटकमा २५ जनालाई मात्रै प्रवेश दिइएको छ ।

मकर मेला, त्रिवेणीस्नानले शरीर र मन दुवैको रोग नाश हुन्छ भन्ने पौराणिक कथनअनुसार सत्ययुगमा देवताका राजाले आफ्नो शरीरमा लागेको श्राप जन्य रोग पनौती उपासनाबाटै निको पारेका थिए भन्ने जनविश्वास छ ।

मेलामा आउने दर्शनार्थीको स्वास्थ्य अवस्थालाई ध्यानमा राख्दै मेला व्यवस्थापन समितिले पाँच वटा एम्बुलेन्सलाई तयारी अवस्थामा राखिएको र सुरक्षा व्यवस्थापन गर्न सीसीटिभी जडान गरिएको जनाएको छ ।

प्रकाशित मिति: शनिबार, माघ १, २०७८, ०६:०१:००

शोभा हुमागाईँ

हुमागाईँ काभ्रेको भकुन्डेबेसीमा रहेको रेडियो रोशीमा कार्यरत हुनुहुन्छ ।

प्रतिक्रिया दिनुहोस्