काठमाडौँ । सन् २०२३ को मार्च महिनामा ९९ हजार चार सय २६ विदेशी पर्यटक नेपाल भित्रिएका छन् ।
यो सङ्ख्या अघिल्लो महिनाको तुलनामा २६ हजार एक सय ७१ जनाले बढी हो ।
गत फेब्रुअरीमा ७३ हजार दुई सय ५५ जना पर्यटक नेपाल आएका थिए ।
सन् २०२३ को मार्च महिनामा सबैभन्दा धेरै भारतीय पर्यटक भित्रिएका छन् ।
मार्चमा २५ हजार नौ सय ११ जना भारतबाट, अमेरिकाबाट ९ हजार पाँच सय ५७, बेलायतबाट ६ हजार एक सय ३३, जर्मनीबाट चार हजार एक सय ४९ र श्रीलंकाबाट तीन हजार आठ सय ९८ जना पर्यटक भित्रिएको पर्यठन बोर्डका कार्यकारी अधिकृत धनन्जय रेग्मीले सीआईएनसँग बताउनुभयो ।
बाह्य पर्यटक बढेसँगै नेपालको अर्थतन्त्र बलियो बनाउनका लागि सहयोग पुग्ने अपेक्षा व्यवसायीहरूको छ ।
प्रकाशित मिति: सोमबार, चैत २०, २०७९
