काठमाडौँ । चट्याङका कारण चितवनको रेडियो भरतपुरको प्रसारण अवरुद्ध भएको छ ।
रेडियो भरतपुर १०५.२ मेगाहर्जको नियमित प्रसारण अवरुद्ध भएको र नियमित प्रसारणका लागि कोसिस भइरहेको रेडियोका अध्यक्ष नवीनराज पौडेलले जानकारी दिनुभयो ।
उहाँका अनुसार चट्याङका कारण ट्रान्समिटर, एसी तथा अडियो मिक्सरमा क्षति पुगेको छ।
रेडियो उपकरणमा आएको प्राविधिक समस्याका कारण नियमित प्रसारण सेवा प्रभावित भएको हो। रेडियो व्यवस्थापनले क्षतिग्रस्त उपकरणको मर्मत तथा प्रतिस्थापनको काम तीव्र रूपमा भइरहेको जनाएको छ।
प्रकाशित मिति: मंगलबार, असार १६, २०८३
