काठमाडौँ । उदयपुरमा शैक्षिक भ्रमणमा जाँदै गरेका विद्यार्थी चढेको दिपज्योती एजुकेशन ईङिलस बोडिङ स्कुलको बस दुर्घटना हुंदा १ जनाको मृत्यु भएको छ ।
उपचारको क्रममा एक जना शिक्षकको मृत्यु भएको र गम्भीर घाइते २ जनालाई थप उपचारको लागि विराटनगरतर्फ पठाईएको सशस्त्र प्रहरीका सह प्रवक्ता शैलेन्द्र थापाले जानकारी दिनुभयो ।
महोत्तरीको बर्दिवासबाट शैक्षिक भ्रमणको लागि जाँदै गरेका विद्यार्थी चढेको बस उदपुर जिल्लाको उदपुरगढी गाउँपालिका–७ स्थित मदन भण्डारी लोकमार्ग अन्तर्गत अधेरी जोगीटोलमा आज दुर्घटनामा परेको हो ।
दुर्घटनामा परी ३२ जना घाइते भएका छन् । बसमा अभिभावक, शिक्षक र विद्यार्थी गरी ३५ जना सवार रहेका थिए ।
दुर्घटना लगत्तै सशस्त्र प्रहरी बल नेपाल नं. ५ त्रियुगा गण उदयपुरबाट सशस्त्र प्रहरी निरीक्षकको कमाण्डमा उद्धार कार्यको लागि टोली खटिएको र घाइतेहरुलाई उपचारको लागि जिल्ला अस्पताल उदयपुर पठाइएको सशस्त्र प्रहरीले जनाएको छ ।
प्रकाशित मिति: शनिबार, असार ६, २०८३
