काठमाडाै । नेपालमा बर्षेनी जंगली च्याउ खाँदा औषतमा ३० जनाको मृत्यु हुने गरेको छ।
च्याउ विज्ञहरुकाअनुसार जंगलबाट टिपेर ल्याईएका विषालु च्याउको पहिचान गर्न नसक्दा उनिहरुको मृत्यु हुने गरेको हो।
जेठ १ गते मात्रै जंगली च्याउ खाँदा चितवनको इच्छाकामना गाउँपालिका–१ कुलबाङकी ६ वर्षीया नमुना चेपाङको मृत्यु भएको छ भने अस्ित सजन चेपाङकाे मृत्यु भएको छ। मनिता चेपाङ भने गम्भीर बिरामी परेका छन्।
यसअघि, बैशाखमा सिन्धुलीको मरिण गाउँपालिका–३ मा जंगली च्याउको तरकारी खाँदा तीन परिवारका ६ जना बिरामी परेका िथए। जसमा पाँच बालबालिका समेत छन्।
त्यस्तै, झापामा बैशाख मै एउटै परिवारका ११ जना जंगली च्याउ खाँदा बिरामी परेका थिए। विज्ञहरूका अनुसार वर्षायाम सुरु भएसँगै यस्ता घटना बढ्ने गरेका छन्। खादाँ स्वादीलो हुने भएकाले च्याउ प्रायको रोजाईमा पर्छ तर चिनेरमात्र खान विज्ञको आग्रह छ।
तर राष्ट्रिय विपद् जोखिम न्यूनीकरण तथा व्यवस्थापन प्राधिकरणले जंगली च्याउ विषाक्तताबाट हुने मृत्यु तथा बिरामीको एकीकृत अभिलेख नराख्ने भएकाले वार्षिक तथ्याङ्क स्पष्ट छैन। जंगली च्याउको सही पहिचान नहुँदा यस्ता घटनाले ग्रामीण क्षेत्रमा जोखिम बढाइरहेको भन्दै सावधानी अपनाउन आग्रह गरिएको छ।
प्रकाशित मिति: मंगलबार, जेठ ५, २०८३
