अर्जुन परियार, रेडियाे हापुरे दाङ
हापुरे । सामुदायिक रेडियो हापुरे ८९ दशमलब ४ मेगाहर्जले आफ्नो १२औँ वार्षिकोत्सवका अवसरमा एक सय जना विद्यार्थीलाई स्टेशनरी सामग्री वितरण गरेको छ।
असल शासन संरक्षण मञ्चद्वारा सञ्चालित रेडियोले बबई गाउँपालिका–५, जौवारीस्थित जनश्रम सरस्वती आधारभूत विद्यालयका विद्यार्थीहरूलाई कापी, कलम लगायतका सामग्री प्रदान गरेको हो।
कार्यक्रम रेडियो सञ्चालक समिति उपाध्यक्ष रामबहादुर डाँगीको अध्यक्षतामा सम्पन्न भएको थियो भने गाउँपालिका अध्यक्ष कुलबहादुर खत्री क्षेत्री प्रमुख अतिथि रहनुभएको थियो।
कार्यक्रममा स्थानीय जनप्रतिनिधि, शिक्षक, अभिभावक तथा अन्य सरोकारवालाको उपस्थिति रहेको थियो। सहभागीहरूले सामुदायिक रेडियोले शिक्षा क्षेत्रमा गरेको योगदानको प्रशंसा गर्दै यस्ता सहयोगी कार्यक्रमलाई निरन्तरता दिन आग्रह गरेका छन्।
सामुदायिक रेडियो हापुरेले आफ्नो वार्षिकोत्सवलाई सामाजिक सेवासँग जोड्दै विभिन्न जनहितका कार्यक्रम गर्दै आएको छ।
प्रकाशित मिति: शुक्रबार, वैशाख ११, २०८३
